ខេត្តបន្ទាយមានជ័យ ៖ នៅថ្ងៃទី២៥ ខែកក្កដា ឆ្នាំ២០២៣នេះ នគរបាលស្រុកស្វាយចេក ខេត្តបន្ទាយមានជ័យ បានធ្វើការឃាត់ខ្លួនបុរសម្នាក់ ពាក់ព័ន្ធករណីប្រើដំបងវា.យទៅលើលោកតាអាយុ៨១ឆ្នាំ បណ្តាលឲ្យស្លា.ប់នៅនឹងកន្លែងកើតហេតុ គ្រាន់តែរឿងសុំឪឡឹកហូប តែលោកតាមិនឲ្យហូប ។
បុរសជាជនដៃដល់នេះមានឈ្មោះ សូ ឡិ អាយុ៣១ឆ្នាំ រស់នៅភូមិកកោះ ឃុំស្លក្រាម ស្រុកស្វាយចេក ខេត្តបន្ទាយមានជ័យ។ ចំណែកលោកតារងគ្រោះមានឈ្មោះ ព្រឿង ព្រឿយ អាយុ៨១ឆ្នាំ រស់នៅភូមិកកោះ ឃុំស្លក្រាម ស្វាយចេក ខេត្តបន្ទាយមានជ័យ។
មុនពេលកើតហេតុ ជនសង្ស័យបានទៅសុំផ្លែឪឡឹករបស់លោកតា (ជនរងគ្រោះ) ហូប តែជនរងគ្រោះមិនឲ្យ ទើបពេលនោះជនសង្ស័យក៏យកដំបងវា.យចំឆ្អឹងជំនីខាងឆ្វេងរបស់ជនរងគ្រោះមួយដំបង បណ្តាលដេកដួល និងសន្លប់បាត់បង់ស្មារតីនៅនឹងកន្លែងកើតហេតុតែម្តង បន្ទាប់មកជនរងគ្រោះក៏ស្លា.ប់បាត់បង់ជីវិតតែម្តងទៅ។
ក្រោយពីធ្វើសកម្មភាពរួច ជនសង្ស័យបានរត់គេចខ្លួនបាត់ ប៉ុន្តែមិនបានប៉ុន្មានម៉ោងផង សមត្ថកិច្ចនៃអធិការនគរបាលស្រុកស្វាយចេក ខេត្តបន្ទាយមានជ័យ ក៏តាមចាប់ខ្លួនបានមកវិញ និងរៀបចំសំណុំរឿងបញ្ជូនទៅកាន់សាលាដំបូងខេត្ត ដើម្បីចាត់ការទៅតាមនីតិវិធីច្បាប់៕
