ព័ត៌មានសន្តិសុខសង្គម ព័ត៌មានអន្តរជាតិ

មើលឃើញជាក់ស្តែង.អ្នកសុំទានជាច្រើន រកបានប្រាក់ចំណូល ច្រើនជាងប្រាក់ឈ្នួលរបស់អ្នកធ្វើការ មួយចំនួន ច្រើនជាង២០ដងឯណោះ. ទើបមន្រ្ដីជាន់ខ្ពស់ថៃ ជំរុញពលរដ្ឋ កុំផ្ដល់លុយឲ្យអ្នកសុំទានទៀត.!

Posted on Author bvt Comment(0)

រាជធានីបាងកក៖ មន្ត្រីជាន់ខ្ពស់របស់ថៃម្នាក់ បានបង្កឲ្យកើតមានរឿងចម្រូងចម្រាស ដោយជំរុញដល់បងប្អូនជនរួមជាតិរបស់គាត់ កុំឱ្យផ្ដល់លុយដល់អ្នកសុំទាន ហើយគាត់អះអាងថា អ្នកសុំទានជាច្រើន រកបានប្រាក់ចំណូល ច្រើនជាងប្រាក់ឈ្នួលអប្បបរមារបស់អ្នកធ្វើការ មួយចំនួន ច្រើនជាង២០ដង ក្នុងមួយថ្ងៃ។

ប្រធាននាយកដ្ឋានអភិវឌ្ឍន៍សង្គម បានលើកឡើងថា ការផ្តល់លុយឲ្យអ្នកសុំទាន គ្រាន់តែជាការលើកទឹកចិត្ត ជំរុញឱ្យមានការកេងប្រវ័ញ្ច លើជនងាយរងគ្រោះ រួមទាំងកុមារ ដែលអាចត្រូវបានបង្ខំ ដោយអ្នករកស៊ីកេងចំណេញពីលើរបបសុំទាននេះតែប៉ុណ្ណោះ។ ប៉ុន្ដែដើម្បីបញ្ឈប់នូវការអនុវត្តន៍បែបនេះ មន្ត្រីរូបនេះក៏បានអំពាវនាវដល់ប្រជាជនថៃ គួរតែបញ្ឈប់នូវការផ្តល់លុយទៅឲ្យអ្នកសុំទាន។

លោក Anukul Peedkaew ប្រធាននាយកដ្ឋានអភិវឌ្ឍន៍សង្គម ក៏បានស្នើដល់សាធារណជន រាយការណ៍ អំពីករណីដែលពួកគេជួបប្រទះក្មេងដើរសុំទាន នៅតាមដងផ្លូវ ដើម្បីឱ្យអាជ្ញាធរមានសមត្ថកិច្ចស៊ើបអង្កេត ស្វែងរក អំពីមូលហេតុដែលពួកគេ ត្រូវបានបង្ខំឱ្យដើរសុំទាន។ ដោយឡែក សកម្មភាពជួញដូរមនុស្ស ត្រូវបានលើកឡើង ជាយូរមកហើយថា ជនទុច្ចរិតបានប្រើប្រាស់កុមារ ជនពិការធ្ងន់ធ្ងរ និង អ្នកផ្សេងទៀត ឲ្យដើរសុំទាន នៅក្នុងគម្រោង ស្វែងរកលុយ នៅជុំវិញទីក្រុងបាងកក និង កន្លែងផ្សេងៗទៀត នៅក្នុងប្រទេសថៃ។

ទោះបីជាយ៉ាងណា ប្រជាជនថៃមួយចំនួន បានដោះស្រាយបញ្ហាជាមួយនឹងទស្សនៈរបស់លោក Anukul ដោយអះអាងថា ជំងឺរាតត្បាតកូវីដ-១៩ បានបំផ្លាញដល់សេដ្ឋកិច្ច ហើយបញ្ហានេះកំពុងតែបង្កឱ្យមានការលំបាកផ្នែកហិរញ្ញវត្ថុ សម្រាប់ប្រជាជនថៃ រាប់លាននាក់ ហើយភាគច្រើន ត្រូវបានបង្ខំចិត្តឱ្យដើរសុំទាន ជាអាហារ និង ប្រាក់កាក់មួយចំនួនផងដែរ៕

bvt

Related Articles
ព័ត៌មានសន្តិសុខសង្គម

ព្រះមហាក្សត្រៈត្រាស់បង្គាប់បង្កើតឧទ្យានសួនសត្វនិងសួនភូតគាម ភ្នំតាម៉ៅ!

Posted on Author bvt

(ភ្នំពេញ)៖ ព្រះមហាក្សត្រនៃកម្ពុជា នៅថ្ងៃទី១៩.០៨.២០២២ បានចេញព្រះរាជក្រឹត្យ បង្កើតឧទ្យានសួនសត្វ ព្រៃការពារ និងសួនភូតគាម ភ្នំតាម៉ៅ។ ដើម្បីធានានូវ និរន្តរភាពនៃការថែរក្សា អភិរក្សព្រៃឈើ និងសត្វព្រៃ ការសង្គ្រោះ ព្យាបាល ស្តារលទ្ធភាពសត្វព្រៃ អប់រំ ផ្សព្វផ្សាយ ការសិក្សាស្រាវជ្រាវ និងសេវាទេសចរណ៍ផងដែរ។ ក្នុងព្រះរាជក្រឹត្យនេះ អភិវឌ្ឍន៍សួនភូតគាមសាស្ត្រដែលមានពូជឈើប្រណិត និងមានតម្លៃសេដ្ឋកិច្ចខ្ពស់។ អភិវឌ្ឍន៍ជាតំបន់គោលដៅទេសចរណ៍ធម្មជាតិ វប្បធម៌ និងប្រវត្តិសាស្ត្រ ផ្ដល់ការថែរក្សាសង្គ្រោះសត្វព្រៃ ព្យាបាល និងស្តារលទ្ធភាពសត្វព។ ការធ្វើវិបុលកម្មសត្វព្រៃ ប្រភេទសត្វ និងរុក្ខជាតិកម្រ ជិតផុតពូជ ជាមូលដ្ឋានសម្រាប់ការសិក្សាស្រាវជ្រាវ អប់រំផ្សព្វផ្សាយអន្តរអំពើ រវាងមនុស្ស-សត្វព្រៃ និងព្រៃឈើ។ បង្កើតគម្របបៃតង និងបង្កើនសោភ័ណ្ឌភាពក្នុងតំបន់ លើកកម្ពស់ការថែរក្សាធនធានសេនេទិចរុក្ខជាតិ-សត្វព្រៃនិងការអភិវឌ្ឍធនធានធម្មជាតិប្រកបដោយនិរន្តរភាព។ឧទ្យានសួនសត្វ ព្រៃការពារ និងសួនភូតគាម ភ្នំតាម៉ៅ មានផ្ទៃដីទំហំសរុប ២.០២៥ហិកតា ស្ថិតនៅក្នុងភូមិសាស្ត្រ ស្រុកបាទី ខេត្តតាកែវ ។ ដូចមានផែនទីបញ្ជាក់ទីតាំង និង ចំណុចនិយាមកា ភ្ជាប់ជាឧបសម្ព័ន្ធនៃព្រះរាជក្រឹត្យនេះ។យានសួនសត្វ ព្រៃការពារ និងសួនភូតគាម ភ្នំតាម៉ៅ […]
ព័ត៌មានសន្តិសុខសង្គម

បែកធ្លាយជំទាវ លី អ៊ុំអេង វង្វេងស្មារតី ប្តឹងម្ចាស់ដីស្របច្បាប់ មួយកន្លែង ២សំណុំរឿង តែឯកសារផ្សេងគ្នា

Posted on Author bvt

សៀមរាប៖ ថ្មីៗនេះបន្ទាប់ពីមានការស្រាវជ្រាវ ក៏បានបែកធ្លាយជំទាវ លី អ៊ុំអេង កំពុងវង្វេងស្មារតីអត់ស្គាល់ដីខ្លួនឯងច្បាស់ផង បានប្តឹងម្ចាស់ដីស្របច្បាប់មួយកន្លែង ចំនួន២សំណុំរឿង ដោយបានប្រើឯកសារផ្សេងគ្នា ចូលទៅតំណាងអយ្យការអមសាលាដំបូងខេត្តខេត្តសៀមរាប ។ សំណុំរឿងទី១ ឈ្មួញដីសំបូររឿងឈ្មោះ លី អ៊ំអេង  បានប្តឹងភាគីម្ចាស់ដីពិតប្រាកដ ពីបទ រំលោភលើកម្មសិទ្ធិឯកជន  ប្រព្រឹត្តនៅភូមិរវៀងតាទុំ ឃុំរំចេក ស្រុកបន្ទាយស្រី កាលពីថ្ងៃទី២១ ខែមករា ឆ្នាំ ២០ ២២។ .ចំណែកសំណុំរឿងទី២ ប្តឹងពីបទ ធ្វើឲ្យខូចខាតទ្រព្យសម្បត្តិអ្នកដទៃ ដោយចេតនា  ប្រព្រឹត្តនៅភូមិរវៀងតាទុំ ឃុំរំចេក ស្រុកបន្ទាយស្រី កាលពីថ្ងៃទី២ ខែសីហា ឆ្នាំ២០២២។ ​. បណ្តឹងទី១លី អ៊ុំអេង ប្រើឯកសារ ដែលមានមនុស្សចំនួន៣នាក់មកឈរធ្វើជាម្ចាស់ដីដើមលក់មកអោយខ្លួន ដែលដីនោះស្ថិតនៅភូមិរវៀងតាទុំ ឃុំរំចេក ស្រុកបន្ទាយស្រី ។ បុគ្គលទាំង៣ នាក់នោះ ម្នាក់ឈ្មោះ លឹម ជក់ ដែលបានអះអាងថា បានកាន់កាប់ដីតាំងពីអាយុ១១ឆ្នាំ និងម្នាក់ឈ្មោះ ញ៉ាវ ណុល ដែលអះអាងថា បានកាន់កាប់ដីតាំងពីអាយុ០២ឆ្នាំ និងឈ្មោះ ឡាច នឿន។ .ចំណែកបណ្តឹងទី២ លី អ៊ុំអេង ប្តឹងលើភាគីម្ចាស់ដីស្របច្បាប់ លើទីតាំងដីដដែល។ ឈ្មោះលី អ៊ុំអេង បានយកឈ្មោះមនុស្សបីនាក់មកអះអាងថាជាម្ចាស់ដីដើម ដែលមានឈ្មោះ លឹម ជក់ ឈ្មោះ ញ៉ាវ ណុល និងម្នាក់ទៀតឈ្មោះ ម៉ោញ ឡំ ហើយបានដាក់ឯកសារសំអាងដែលមានឈ្មោះ យិន ទី ជាម្ចាស់ដី ដែលស្ថិតនៅភូមិរវៀងតាទុំ ឃុំរំចេក ស្រុកបន្ទាយស្រី ។ .យោងតាម អ្នកស្រី សុខ សុភា ម្ចាស់ដីកាន់កាប់ស្របច្បាប់ឲ្យដឹងថា ឯកសារទីតាំងដីដែល ឈ្មោះលី អ៊ំអេង ប្តឹងអ្នកស្រីមានផ្ទៃដី១៥ហិកតា ស្ថិតនៅភូមិរវៀងតាទុំ ឃុំរំចេក ស្រុកបន្ទាយស្រី ។ ចំណែកទីតាំងដីដែលអ្នកស្រីកំពុងកាន់កាប់ដោយស្របច្បាប់នេះស្ថិតក្នុងភូមិស្រះខ្វាវ ឃុំត្បែង ស្រុកបន្ទាយស្រី ហើយមានទំហំតែ១៣,៦១ ហិកតាប៉ុណ្ណោះ។ គឺទាំងទីតាំង និងទំហំដី ខុសគ្នាស្រលះ។ តែដោយសារជំទាវលី អ៊ុំអេង វង្វេងស្មារតី អត់ស្គាល់ដីខ្លួនឯងច្បាស់ ទើបដើរប្តឹងបំណងរំលោភ យកដីគេទាំងបំពានបែបនេះ។ .យោងតាមការបញ្ជាក់ម្តងហើយម្តងទៀត របស់លោក ហ៊ាប ថា មេឃុំត្បែង និងឯកសារនានា តាំងពីថ្នាក់ភូមិ រហូតដល់ក្រសួងរៀបចំដែនដី បានបញ្ជាក់ថា ទីតាំងដី ដែលលោក ជំទាវ ឧកញ៉ា បណ្ឌិត លី អ៊ុំអេង អះ អាងថា ជាដីរបស់ខ្លួន ហើយស្ពាយឯកសារដើរប្តឹងគេម្តងជា២ដងនោះ ស្ថិតនៅក្នុងភូមិ ស្រះខ្វាវ ឃុំត្បែង ស្រុកបន្ទាយស្រី ខេត្តសៀមរាប ។ មិនមែននៅក្នុងភូមិរវៀងតាទុំ ឃុំរំចែក ស្រុកបន្ទាយស្រី ដូចការលើកឡើងរបស់លោកជំទាវ ឧកញ៉ា បណ្ឌិត លី អ៊ុំអេងនោះទេ។ .ក្នុងករណីនេះ ម្ចាស់ដីដែលកំពុងកាន់កាប់ស្រប ច្បាប់ បានកំពុងរៀបចំឯកសារដាក់ពាក្យប្តឹងបកទៅលី អ៊ុំអេង វិញត្បិតបុគ្គលរូបនេះដើរប្តឹងគេគ្មានឯកសារច្បាស់លាស់ និងបង្កការខូចខាតពេលវេលា។ .ចំណែក លោក ប្រុក យ៉ម ជាម្ចាស់ដើមនៃដីទំហំ ១៣.៦១ហិកតាខាងលើ បានទាមទារអោយឈ្មោះលី អ៊ុំអេង នាំយកមនុស្សដែលអះអាងថា ជាម្ចាស់ដើម ទៅតតាំងគ្នាតាមផ្លូវច្បាប់អោយដឹងសខ្មៅ។ .ក្នុងសំណុំរឿងដីធ្លី ដែលម្ខាងមានឯកសារកាន់កាប់ស្របច្បាប់ដោយមានការទទួលស្គាល់ពីអាជ្ញាធរគ្រប់ថ្នាក់ ហើយម្ខាងដើរប្តឹងគេទាំងមិនស្គាល់ដីខ្លួន ឯងច្បាស់លាស់នេះ មហាជនបានសរសើរតាមរបៀបហួសចិត្តថា នៅស្រុកខ្មែរ ពិសេសខេត្តសៀមរាបមានតែជំទាវបណ្ឌិតលី អ៊ុំអេង ម្នាក់គត់ដែលអាចធ្វើបាន។ មិនស្គាល់ដីខ្លួនឯងច្បាស់ថា មានទំហំប៉ុន្មានពិតប្រាកដ និងនៅក្នុងភូមិឃុំអីផង ដើរប្តឹងគេ ដែលមើលទៅមិនខុសពីមនុស្សវង្វេង ស្មារតីនោះឡើយ។ តើនៅមានជំទាវបែបនេះប៉ុន្មាននាក់ទៀត? អីចឹងទេ សូមស្ថាប័នច្បាប់មេត្តាពិចារណា៕
ព័ត៌មានអន្តរជាតិ

ប្រធានាធិបតីកូរ៉េខាងត្បូងចេញមុខធ្វើការសុំទោសជាសាធារណៈចំពោះគ្រួសារសពរងគ្រោះ Halloween!

Posted on Author bvt

ប្រធានាធិបតីកូរ៉េខាងត្បូង លោក Yoon Suk-yeol បានសុំទោសជាសាធារណៈ កាលពីព្រឹកថ្ងៃចន្ទនេះ សម្រាប់ព្រឹត្តិការណ៍ Halloween ដ៏សាហាវនៅទីក្រុងសេអ៊ូល ដោយសន្យាថានឹងទទួលខុសត្រូវចំពោះមន្ត្រីណាដែលរកឃើញថា ទទួលខុសត្រូវចំពោះការឆ្លើយតបខុសឆ្គង និងធ្វើកំណែថ្មីលើទម្រង់ប្រព័ន្ធគ្រប់គ្រងប៉ូលីស និងសុវត្ថិភាព។ ឧប្បត្តិហេតុកាលពីថ្ងៃទី 29 ខែតុលាបានសម្លាប់មនុស្ស 156 នាក់ ដែលភាគច្រើនមានអាយុ 20 និង 30 ឆ្នាំ និង 197 នាក់ទៀតបានរងរបួសនៅពេលដែលអ្នកដើរលេងកម្សាន្តត្រង់ចំណុចផ្លូវតូចចង្អៀតមួយ នៃសង្កាត់កម្សាន្តពេលរាត្រីដ៏ពេញនិយមរបស់ Itaewon ដើម្បីប្រារព្ធពិធីបុណ្យ Halloween បន្ទាប់ពីការទប់ស្កាត់ COVID-19 ជាលើកដំបូងក្នុងរយៈពេល 3 ឆ្នាំនេះ។   លោក Yoon បាន​ផ្តល់​ការ​សុំទោស​ក្នុង​អំឡុង​ពេល​នៃ​កិច្ច​ប្រជុំ​មួយ​ដើម្បី​ពិនិត្យ​មើល​ច្បាប់​សុវត្ថិភាព ខណៈ​ដែល​ប្រទេស​នេះ​បន្ត​កាន់​ទុក្ខ​ជនរងគ្រោះ ដែល​បានស្លាប់។ ហើយការស៊ើបអង្កេតកំពុងដំណើរការលើការឆ្លើយតបរបស់អាជ្ញាធរចំពោះគ្រោះថ្នាក់នេះ។   លោកបានមានប្រសាសន៍ថា “ខ្ញុំមិនហ៊ានប្រៀបធៀបខ្លួនឯងទៅនឹងឪពុកម្តាយដែលបានបាត់បង់កូនប្រុសស្រីនោះទេ ប៉ុន្តែក្នុងនាមជាប្រធានាធិបតី ដែលគួរតែការពារអាយុជីវិត និងសុវត្ថិភាពរបស់ប្រជាជន ខ្ញុំពិតជាខូចចិត្តណាស់”។   “ខ្ញុំសូមចូលរួមសោកស្ដាយ និងសូមអភ័យទោសចំពោះក្រុមគ្រួសារសព ដែលជួបនូវសោកនាដកម្មដ៏សោកសៅ ដែលមិនអាចនិយាយបាន និងចំពោះប្រជាពលរដ្ឋដែលបានចូលរួមរំលែកទុក្ខ […]

Leave a Reply

Your email address will not be published.